MGA ATLETANG AGONCILLIAN, BINIGYANG PARANGAL NG LOKAL NA PAMAHALAAN 🇵🇭✨

July 28, 2024

MGA ATLETANG AGONCILLIAN, BINIGYANG PARANGAL NG LOKAL NA PAMAHALAAN

Isinagawa sa ating G. Brotonel Municipal Events Center ang pagbibigay ng pagkilala sa mga atletang nagdala ng karangalan sa ating Bayan. Ang mga manlalaro mula Subic Elementary School na nagwagi ng "Bronze" Medal sa katatapos lamang na Palarong Pambansa 2024 sa Cebu City.

Iginawad sa kanila ang Sertipiko ng Pagkilala kalakip ang ₱150,000 Pesos mula sa ating minamahal na kaibigan, PAGCOR Chairman Alejandro "Al" Tengco. Ito ay matapos makipag-ugnayan ng ating butihing Punong Bayan Atty. Cinderella Valenton-Reyes at Pangalawang Punong Bayan Atty. Daniel D. Reyes.

Pagbati sa ating mga Coaches, Asst. Coaches, at lalo't higit sa mga magulang ng ating mahuhusay na manlalaro. Ang inyong sipag, dedikasyon at pagmamahal ay isa sa mga naging susi sa tagumpay ng ating mga ipinagmamalaking atleta!

Mabuhay po kayong lahat!

#MagandangAgoncillo

#MagandangSerbisyoPubliko