Sa patuloy na pagdiriwang ng Philippine Tropical Fabrics Month, buong pagmamalaking nakikiisa ang Lokal na Pamahalaan ng Agoncillo sa pagtataguyod at pagpapahalaga sa mga telang likas na atin, mga produktong hindi lamang sumasalamin sa galing at husay ng Pilipino, kundi nagsisilbing buhay na patunay ng ating mayamang kultura at kasaysayan.
Bilang pagpapakita ng suporta, patuloy na tinatangkilik at isinusulong ito ng ating minamahal na Punong Bayan, Atty. Cinderella Valenton-Reyes, sapagkat naniniwala siyang ang mga telang gawa sa Pilipinas ay hindi lamang simpleng kasuotan. Ito ay simbolo ng ating pagkakakilanlan, mga hiblang nag-uugnay sa ating nakaraan, kasalukuyan, at kinabukasan.
Sa bawat tela, naroroon ang kwento ng sipag, talino, at pagmamahal sa sariling atin.
Nawa’y magsilbi itong paalala na ang tunay na ganda ay nagmumula sa ating pinagmulan, at ang pag-unlad ay mas lalong makakamit kung ating pinahahalagahan ang produktong sariling atin.
Mabuhay ang mga Hibla ng ating lahi!
#MasMagandangAgoncillo
#MasMagandangSerbisyoPubliko
0 Comments