MAYOR REYES, PERSONAL NA NAGTUNGO SA MGA KABABAYAN NATIN UPANG PATULOY NA MAGBIGAY NG ABISO AT PERSONAL NA MAGHATID NG TULONG 
Kasama ang kinatawan ng MDRRMO, PNP-AGONCILLO, MEO, PIO at ng ating lokal na pamahalaan, personal na bumisita ang ating butihing Punong Bayan Atty. Cinderella Valenton-Reyes sa ating mga kababayan sa Panhulan,Subic Ibaba, Subic Ilaya, Bilibinwang at Banyaga upang muli ay magbigay ng abiso at pinag-iingat ang lahat na piniling manatili sa kanilang mga tahanan upang magbantay ng kanilang mga ari-arian at mga alagang hayop.
Kasabay ng pag-iikot ng ating Punong Bayan, binista rin niya at tiningnan ang mga lugar na lubhang naapektuhan ng bagyong Kristine. Ito ay upang malaman niya kung ano ba ang mga naging pagbabago pa nito matapos tayong makaranas ng pag-ulan na dulot ng bagyong Pepito. Katuwang ang kinatawan ng Office of the Municipal Engineer na si Engr. Encarnacion, inaral din nila ang aktwal na kalagayan na pansamantalang daan sa Sitio Sandal na Bato.
Buo ang paniniwala ng ating Punong Bayan na muli nating maibabalik ang sigla at ganda ng ating bayan. Ang lokal na pamahalaan ay patuloy na ginagawa ang lahat ng aksyon upang matugunan ang pangangailangan ng bawat isa lalo’t higit sa usaping imprastruktura.
Patuloy po tayong mag-ingat lalo na po at dadaan ang gabi. Maging alerto at laging manalangin.
.jpg)
0 Comments