LIWANAG NA HATID PARA SA ATING MGA KABABAYAN SA PAGCOR VILLAGE
Matapos bisitahin ang mga kababayan natin sa Subic Ibaba, Subic Ilaya, Bilibinwang at Banyaga, nagtungo ang ating butihing Punong Bayan Atty. Cinderella Valenton-Reyes kasama ang ating Pangalawang Punong Bayan Atty. Daniel Reyes, mga miyembero ng Sangguniang Bayan at MSWDO sa pangunguna ni Ma’am Josalyn Cortez sa PAGCOR Village sa Coral na Munti upang maghatid ng mga Solar Lights sa mga kababayan natin doon.
Ito ay ang mga pamilyang nasalanta ng bagyong Carina noon at ilan sa kanila ay nasalanta rin ng bagyong Kristine. Naghatid din ng relief goods ang ating lokal na pamahalaan sa kanila.
Kasabay ng kanilang pamimigay ng tulong ay personal na binisita ng ating Punong Bayan ang kababayan nating nanganak sa PAGCOR Village, nakakatuwa sapagkat ang bata ay isinilang kasabay ng kaarawan ni Mayor Reyes, kinamusta niya rin ang kalagayan ng bata na pinangalanang Cinderella Kristine.
Kasama din natin na naghatid ng tulong sa ating mga kababayan ang ilang volunteers kagaya nina Kuya Aphol Sangalang, Ms. Precious Fajardo, at Atty. Dan Dan Humarang.
Dasal ng ating Punong bayan na magtuloy-tuloy nawa ang pagtulong ng iba’t ibang ahensya sa atin upang makapagtayo ng bagong proyektong pabahay para sa iba pang kababayan nating nasalanta ng bagyong Kristine.
.jpg)
0 Comments