Malugod na tinanggap ng ating minamahal na Punong Bayan at GSP-Batangas Council President, Atty. Cinderella Valenton-Reyes, ang mga panauhin at delegado ng 5th Regional Committee Meeting (RCM) ng Girl Scouts of the Philippines – Southern Luzon Region, na pinangunahan ng GSP National President na si Dr. Cristina Lim-Yuson, kasama ang ating kaibigan, si Vice Mayor Eloisa Angela Portugal.
Gaganapin sa loob ng dalawang araw, Oktubre 9–10, 2026, tampok sa nasabing pagpupulong ang mahahalagang talakayan at mga gawaing naglalayong higit pang palakasin ang pamumuno, pagkakaisa, at paglilingkod ng organisasyon. Bahagi rin ng programa ang pagbisita sa iba't ibang tourist attractions sa Lalawigan ng Batangas upang maipakilala ang mayamang kultura, likas na yaman, at magagandang destinasyon ng ating bayan at lalawigan.
Isang karangalan para sa Bayan ng Agoncillo ang maging bahagi ng makabuluhang pagtitipong ito, na sumasalamin sa patuloy na pagtataguyod ng pagkakaisa, pamumuno, at paglilingkod sa komunidad.
Maligayang pagdating sa Magandang Agoncillo! Nawa'y maging matagumpay at makabuluhan ang inyong pagpupulong at pananatili sa ating bayan at sa Lalawigan ng Batangas.

0 Comments